ML-For-Beginners/4-Classification/2-Classifiers-1/translations/README.az.md

Mətbəx təsnifatlandıcıları - hissə 1

Bu dərsdə əvvəlki dərsdən əldə etdiyimiz balanslı və təmizlənmiş mətbəx data massivindən istifadə edəcəksiniz.

Bu data massivini müxtəlif qruplaşdırıcılarda istifadə edərək inqrediyentlər əsasında milli mətbəxləri təxmin edəcəksiniz. Bunu edərkən alqoritmi başqa hansı qruplaşdırma tapşırıqlarında istifadə edə biləcəyinizi də öyrənəcəksiniz.

Mühazirədən əvvəl test

Hazırlıq

Sizin 1-ci dərsi bitirdiyinizi güman edirik. Əlavə olaraq isə bu 4 dərsdə istifadə edəcəyimiz cleaned_cuisines.csv faylının /data qovluğunda olduğundan əmin olun.

Tapşırıq - milli mətbəxi təxmin et

1. Bu dərsin qovluğunda olan notebook.ipynb faylını açın və aşağıdakı kodu (Pandas kitabxanasını) daxil edin:

   import pandas as pd
   cuisines_df = pd.read_csv("../data/cleaned_cuisines.csv")
   cuisines_df.head()
   

   Yuxarıdakı kod, məlumatları belə çap edəcəkdir:

	Unnamed: 0	cuisine	almond	angelica	anise	anise_seed	apple	apple_brandy	apricot	armagnac	...	whiskey	white_bread	white_wine	whole_grain_wheat_flour	wine	wood	yam	yeast	yogurt	zucchini
0	0	indian	0	0	0	0	0	0	0	0	...	0	0	0	0	0	0	0	0	0	0
1	1	indian	1	0	0	0	0	0	0	0	...	0	0	0	0	0	0	0	0	0	0
2	2	indian	0	0	0	0	0	0	0	0	...	0	0	0	0	0	0	0	0	0	0
3	3	indian	0	0	0	0	0	0	0	0	...	0	0	0	0	0	0	0	0	0	0
4	4	indian	0	0	0	0	0	0	0	0	...	0	0	0	0	0	0	0	0	1	0

1. İndi isə digər kitabxanaları da əlavə edin:

   from sklearn.linear_model import LogisticRegression
   from sklearn.model_selection import train_test_split, cross_val_score
   from sklearn.metrics import accuracy_score,precision_score,confusion_matrix,classification_report, precision_recall_curve
   from sklearn.svm import SVC
   import numpy as np
   

2. X və y koordinatlarını öyrənmək üçün iki data qrupuna ayırın. cuisine data qrupunun adı ola bilər:

   cuisines_label_df = cuisines_df['cuisine']
   cuisines_label_df.head()
   

   Nəticə belə görünəcək:

   0    indian
   1    indian
   2    indian
   3    indian
   4    indian
   Name: cuisine, dtype: object
   

3. Unnamed: 0 və cuisine sütunlarını drop() kodu ilə silin. Qalan məlumatları öyrənmə alqoritmi üçün saxlayın:

   cuisines_feature_df = cuisines_df.drop(['Unnamed: 0', 'cuisine'], axis=1)
   cuisines_feature_df.head()
   

   Artıq məlumatlar belə olacaq:

	almond	angelica	anise	anise_seed	apple	apple_brandy	apricot	armagnac	artemisia	artichoke	...	whiskey	white_bread	white_wine	whole_grain_wheat_flour	wine	wood	yam	yeast	yogurt	zucchini
0	0	0	0	0	0	0	0	0	0	0	...	0	0	0	0	0	0	0	0	0	0
1	1	0	0	0	0	0	0	0	0	0	...	0	0	0	0	0	0	0	0	0	0
2	0	0	0	0	0	0	0	0	0	0	...	0	0	0	0	0	0	0	0	0	0
3	0	0	0	0	0	0	0	0	0	0	...	0	0	0	0	0	0	0	0	0	0
4	0	0	0	0	0	0	0	0	0	0	...	0	0	0	0	0	0	0	0	1	0

Modelimizi öyrətməyə hazır sayılırıq!

Təsnifatlandırıcı seçimi

Artıq datanız təmizlənib və öyrədilmək üçün hazırdır. İndi siz bu iş üçün hansı alqoritmi seçməli olduğunuza qərar verməlisiniz.

Scikit-learn kitabxanası təsnifatlandırmanı "Supervised Learning (Nəzarətli öyrənmə)" adı altında qruplaşdırır və siz burada çoxlu təsnifatlandırma üsullarını tapa bilərsiniz. Seçimlər ilk baxışdan həddindən artıq çox görünəcəkdir. Aşağıdakı metodların hamısı təsnifatlandırma texnikalarıdır:

• Linear Models (Xətti modellər)
• Support Vector Machines (Dəstək Vektor Maşını)
• Stochastic Gradient Descent (Stokastik qradient eniş)
• Nearest Neighbors (Yaxın qonşular)
• Gaussian Processes (Qauss emalları)
• Decision Trees (Qərar sxemləri)
• Ensemble methods (voting Classifier) Ansambl üsullar (səsvermə əsaslı təsnifatlandırma)
• Çoxsaylı etiket və çoxsaylı çıxış alqoritmləri (multiclass and multilabel classification, multiclass-multioutput classification)

Siz həmçinin təsnifatlandırma üçün neyron şəbəkələr də istifadə edə bilərsiniz, lakin bu mövzu bizim dərsimizdən kənardır.

Hansı təsnifatlandırıcı seçilməlidir?

İndi siz hansı təsnifatlandırıcı seçməlisiniz? Adətən bunun cavabını bir çox üsulu yoxlamaq və daha yaxşı nəticə göstərəni seçməklə tapmaq olur. Yaratdığınız data qruplarını Scikit-learn kitabxanasında yanbayan müqayisə edə bilərsiniz. Aşağıda nümunə kimi KNeighbors, SVC two ways, GaussianProcessClassifier, DecisionTreeClassifier, RandomForestClassifier, MLPClassifier, AdaBoostClassifier, GaussianNB and QuadraticDiscrinationAnalysis alqoritmləri müqayisəsi göstərilib:

Qrafiklər Scikit-learn sənədlərindən yaradılmışdır

AutoML platforması bulud mühitində belə nəticələri özü müqayisə edərək sizə ən yaxşı alqoritmi tapmaqda kömək edə bilər. Buradan pulsuz yoxlaya bilərsiniz.

Daha yaxşı yanaşma

Özünüz təxmin etməkdənsə, MÖ hazır cavablar siyahısından ideyalara əməl edərək daha yaxşı seçim edə bilərsiniz. Misal üçün bizim çoxsaylı etiketləndirmə məsələmizdə bir neçə seçim vardır:

Çoxsaylı etiket təsnifatlandırma seçimləri üçün Microsoft-un Alqoritm Hazır Cavablar siyahısından bir fraqment

✅ Bu hazır cavablar siyahısını yüklə, çap et və divarından as!

Əsaslandırma

Gəlin baxaq biz seçimimizi aşağıdakı şərtlərə əsasən də əsaslandıra bilirikmi:

• Neyron şəbəkələr çox qəlizdir. Bizim təmiz və sadə data massivimizi yalnız öz komputerimizdə öyrədəcəyimizi nəzərə alsaq, neyron şəbəkələr bu tapşırıq üçün çox çətin bir seçimdir.
• İki-etiket təsnifatlandırıcısına yox. Biz iki-etiket təsnifatlandırıcısı istifadə etmirik, buna görə də digər oxşar seçimləri nəzərə almırıq.
• Qərar sxemləri və ya logistik reqressiya işi görə bilərk. Qərar sxemi işimizə yaraya bilər. Logistik reqressiyə isə çoxsaylı etiket datası üçün istifadə oluna bilər.
• Çoxsaylı etiket gücləndirilmiş qərar sxemləri başqa problemləri həll edir. Çoxsaylı etiket gücləndirilmiş qərar sxemləri parametrsiz tapşırıqlar üçün daha uyğundur, Misal üçün sıralandırma tapşırıqları. Lakin bizim üçün uyğun deyil.

Scikit-learn istifadə etmək

Data analizi üçün Scikit-learn istifadə edəcəyik. Scikit-learn kitabxanasında logistik reqressiyanı istifadəsi üçün bir çox üsul mövcuddur. Hansı parametrlərin ötürülməsi lazım olduğunu bilmək üçün sənədlə tanış olun.

Scikit-learn kitabxanasında logistik reqressiyanı icra etmək üçün bizə əsas iki parametr ötürmək vacibdir - multi_class və solver. multi_class parametri müəyyən olunmuş davranışı bildirir. solver parametri isə istifadə olunacaq alqoritmi təyin edir. Nəzərə almaq lazımdır ki, hər alqoritm multi_class parametri ilə uyğunlaşmır.

Sənədlərə əsasən multi_class seçimində aşağıdakı öyrənmə alqoritmləri seçilə bilər:

• one-vs-rest (OvR) sxemi istifadə edənlər, əgər multi_class parametri ovr seçilmişdirsə.
• cross-entropy loss (çarpaz-entropiya itkisi) istifadə edənlər, əgər multi_class parametri multinomial seçilmişdirsə. (Hazırda multinomial seçimi yalnız ‘lbfgs’, ‘sag’, ‘saga’ və ‘newton-cg’ alqoritmləri tərəfindən dəstəklənir)"

🎓 Burada 'scheme' parametri 'ovr' (one-vs-rest) və ya 'multinomial' ola bilər. Logistik reqressiya əslində binary (ikili) təsnifatlandırma üçün tərtib olunduğu üçün bu sxemlər çoxsaylı etiket təsnifatlandırma tapşırıqları üçün daha uyğundur. mənbə

🎓 'solver' parametri "optimizasiya üçün istifadə olunacaq alqoritmi" nəzərdə tutur. mənbə.

Aşağıdakı cədvəldə Scikit-learn kitabxanasındakı alqoritmlərlə müxtəlif növ tapşırıqları və data strukturlarını necə idarə edə biləcəyiniz göstərilib:

Tapşırıq - datanı bölün

Biz indi ilk öyrənmə cəhdimizdə logistik reqressiyasına fokuslana bilərik. train_test_split() istifadə etməklə datanı öyrənmə və test üçün iki qrupa ayırın:

X_train, X_test, y_train, y_test = train_test_split(cuisines_feature_df, cuisines_label_df, test_size=0.3)

Tapşırıq - logistik reqressiyanın tətbiqi

Biz çoxsaylı etiket məsələsinə baxdığımız üçün scheme və solver parametrləri üçün müvafiq dəyərləri ötürməliyik. Bunun üçün çoxsaylı etiket (multiclass ovr) və liblinear alqoritmini seçin.

1. Logistik reqressiya modeli yaradın və ovr dəyərini multi_class parametri, liblinear dəyərini isə solver parametri kimi ötürün:

   lr = LogisticRegression(multi_class='ovr',solver='liblinear')
   model = lr.fit(X_train, np.ravel(y_train))
   
   accuracy = model.score(X_test, y_test)
   print ("Accuracy is {}".format(accuracy))
   

   ✅ Başqa bir alqoritmi seçib yoxlayın, misal üçün lbfgs.

   Qeyd. Pandas kitabxanasında ravel funksiyasını istifadə edərək data modelinizi daha səthi (az-ölçülü) formaya keçirə bilərsiniz.

   Dəqiqliyin 80%-dən yuxarı olması yaxşıdır!

2. Siz bu modelin işlədiyini bir sətir data (#50-ci sıra) ilə yoxlaya bilərsiniz:

   print(f'ingredients: {X_test.iloc[50][X_test.iloc[50]!=0].keys()}')
   print(f'cuisine: {y_test.iloc[50]}')
   

   Nəticə belə çap olunacaq:

   ingredients: Index(['cilantro', 'onion', 'pea', 'potato', 'tomato', 'vegetable_oil'], dtype='object')
   cuisine: indian
   

   ✅ Fərqli sıra nömrələrini yoxla və nəticəyə bax.

3. Daha dərinə getsək, təsnifat modelinin dəqiqliyini belə yoxlaya bilərsiniz:

   test= X_test.iloc[50].values.reshape(-1, 1).T
   proba = model.predict_proba(test)
   classes = model.classes_
   resultdf = pd.DataFrame(data=proba, columns=classes)
   
   topPrediction = resultdf.T.sort_values(by=[0], ascending = [False])
   topPrediction.head()
   

   Nəticə çap olundu - Hindisdan mətbəxi ən yuxarı dəqiqliklə təsnifatlandırılır:

   	0
   indian	0.715851
   chinese	0.229475
   japanese	0.029763
   korean	0.017277
   thai	0.007634

   ✅ Bu modelin Hindistan mətbəxini nə üçün seçdiyini izah edə bilərsən?

4. Daha çox məlumat almaq üçün təsnifatlandırma hesabatını çap edin:

   y_pred = model.predict(X_test)
   print(classification_report(y_test,y_pred))
   

   	precision	recall	f1-score	support
   chinese	0.73	0.71	0.72	229
   indian	0.91	0.93	0.92	254
   japanese	0.70	0.75	0.72	220
   korean	0.86	0.76	0.81	242
   thai	0.79	0.85	0.82	254
   accuracy	0.80	1199
   macro avg	0.80	0.80	0.80	1199
   weighted avg	0.80	0.80	0.80	1199

🚀Məşğələ

Bu dərsdə siz təmizlənmiş data istifadə edərək inqrediyentlər əsasında milli mətbəxi təxmin edə biləcək maşın öyrənməsi modelini qurdunuz. Scikit-learn kitabxanası istifadə etməklə daha hansı üsullarla təsnifatlandırma etmək mümkün olduğunu oxuyun. "Solver (alqoritm)" anlayışı üzərində daha dərinə gedərək arxa planda necə işlədiyini öyrənin.

Mühazirə sonrası quiz

Təkrarlayın və özünüz öyrənin

Logistik reqressiya metodunda hansı riyazı modellər istifadə olunduğunu bu dərsdə daha dərindən öyrənin.

Tapşırıq

Təsnifatlandırıcı alqoritmlərini araşdır